Badju di Djambadom
Nha ermons, badju di djambadon
pertu dja kumsa
Tempu di fanadundadi tchiga, Blufus
pertu dja ria matu
É na sai son dia 18 de novembru.
Antes de fim di ano cada fanadu na
ntergadu si padiduris.
Son pa aproveita cucus di mangu
pa cumpu sadjós
É fala kuma luto di iagu, modja mon ka tem.
Si deus kiri i na sibidu kim ki
kim, Es i guerra di nha tempu, pa iabri campu djunta ka mati, lambu defesa ka
mati,
I na sedu guerra di boca ku boca
Programa ku programa. I kin ku mas
tené claquerus el ku na nganha.
Talvez nó terra na consegui fria,
pabia mundo tené udjus na nós.
No tené fama di saclaterus i no
bolso gora mofinu, pabia si nó ka djudadu nim eleiçon nó ka pudi fassi.
Kriol fala ora ku bu mofino bu ta
ladino.
Desde ku no kunsi nó cabeça até aós
son tafal-tafal
Desenvolvimentu nada.
Nó colegas tudo passanu dianti ,
nó discuda na midi força ku kumpanher
Ma gossi kussas na muda, pabia
pubis tudo ntindi dja kuma djintis na toma elis pa tulus pa pudi furta tudu ke
ku nó djunta.
É fala tulu ku fiu na djiru
Ki djintis di casacos nhabidus ku
ta kume kalur di pubis
Son pa é bai busca bulanhas ou
sumia ortas di cadju
Ami mém, npurpara dja nha sadjós,
Nka misti pirdi eh djambadom
Blufos tem ku rapatidu na tabanca
Fanadus na ria didia uan é na sai
també didia uan
Noti sucuru ka na tem
Tchoma ermon garandi ku vizinho ka
mati
Um cabeça um voto
I kim ku pirdi pa i bai sinta i
pera 4 ano.
Si i ka sim anós propi povu ku na
sancional elis
No sançon gora medunhu, pabia kila
kata nuladu.
Viva democracia
Viva nó guinendadi
Abaixo ki ladrões di casacos
nhabidus.
Não, eh bias i na limpu puss
Suma laba di nha Cunhados.
Blungudjibá
Sem comentários:
Enviar um comentário
Nota: só um membro deste blogue pode publicar um comentário.