Doka Internacional- Denunciante deniferreira2009@gmail.com

FUFAFÚ

Historia di um naçon i distinu di si povo
Brancos bin i explora;
é furta, é suta, é mata...
Fidjus di terra djunta tudo nó resisti,
nó luta i no liberta nó tchon,
mundo grita biboo...
Má didimé, foronta mas garandi ku na bin:
i  kumsa ku matansas, fuzilamentos, fome,
coitadessa, brutasco, atraso ku desespero.
Guineenses kurri di terra,
no intchi terra di djintis ku nó cercaba na foronta di busca bianda, messinho ku sabedoria.
I té gossi fidjus di Guiné ku na manda na terra ka iabri udju.
Terras ku nó lanta kel tudo stanu dja dianti.
Nó nomi ka sabi nin na visinhansa,
kada hora ku nó nome tchomadu na mandjuandadi di mundo i son pa konta no Brutasco.
kredi... té kal dia nha ermons?
Ku terra na kumpo?
Kal dia ki na ranka?
kal dia ku nó na sinti dur di companher??
Kal dia ku mundo na rispitanu?
Kal dia ku nó Chefis na para furta kussas djuntadu?
kal dia ku Governantes na para bindi terra?
Sacur...Pubis na pidi Sacur
 Pa pelo menos é geraçon ku na estuda ku força pudi bin muda é terra,
pabia anós utrus, nundé ku nha lingua kukula nel-i FU-FA-FÚ.

Blungudjibá